Nga Dritan Leli
Bashkë me Sazan Gurin, Bashkia e Vlorës bëhet nismëtare dhe e vetmja që po mbështet dhe zhvillon projektin që mbikqyrë kafshët endacake. Regjistrimi, sterilizimi dhe vaksinimi janë hapat që janë ndjekur deri sot, me 150 qen rrugësh, ndërsa po vijohet me të tjerë.
Për të penguar riprodhimin e tyre, për të reduktuar sjelljet agresive të tyre, por edhe për t’i edukuar njerëzit me një qasje më paqësore, trajtuam edhe mundësinë e trajnimit të mjekëve veteriner të qytetit. Fazat e mëtejshme të regjistrimit të kafshëve do të realizohen me mikroçip edhe për kafshët me pronar në mënyrë që të jenë të kontrolluar edhe në rast braktisjeje.
