Policia ka kryer kontrolle për shtëpinë dhe zyrat e mjekut personal të legjendës së futbollit, Diego Maradona, mes pyetjeve mbi trajtimin e tij mjekësor. Prokurorët argjentinas njoftuan të Dielën se po hetojnë vdekjen e Maradonës si dhe mjekun e tij personal, Leopoldo Luque, i cili u akuzua për neglizhencë të gjendjes shëndetësore të ish lojtarit, i cili thuhet se ndërroi jetë nga arresti kardiak.
Në një konferencë emocionuese për shtryp, mjeku mohoi cdo keqbërje dhe e cilësoi Maradonën një pacient “të pakontrollueshëm”. “Ju doni të dini se për çfarë jam përgjegjës?” Për dashurinë e tij, për kujdesin ndaj tij, për zgjatjen e jetës së tij, për përmirësimin e saj deri në fund”, tha ai.
Luque shtoi Maradona refuzoi të shkonte në një qendër rehabilitimi pas operacionit të tij, dhe në vend të kësaj zgjodhi të shërohej në shtëpi. “Bëra gjithcka munda”, shtoi Luque. Vdekja e Maradonës, i cili konsiderohet si një hero kombëtar në Argjentinë, shkaktoi dëshpërim në shumë tifozë apo fansa të tij në të gjithë botën.
