Një ngjarje e rëndë ka ndodhur në Berat, ku tre të mitura dyshohet se janë shfrytëzuar dhe abuzuar seksualisht. Dyshohet se të miturat, sipas “FAX”, shfrytëzoheshin nga një grua që kujdesej për to, pasi dy prindërit e kishin të pamundur fizikisht pasi kanë probleme të shëndetit mendor.
Tre motrat përkatësisht të klasave të 3, 7 dhe 8 mendohet se kanë kryer marrëdhënie seksuale kundrejt pagesës, të diktuara nga kujdestarja e tyre, por ende nuk dihet se cila është lidhja që kanë me të.
Për rastin, Prokuroria e Beratit ka nisur hetimet e menjëhershme dhe po mbledh prova, ndërsa në hetim është përfshirë edhe Drejtoria Vendore e Policisë. Gjithashtu, Policia ka nisur nga puna për të marrë në pyetje të gjithë personat që dyshojet se kanë qenë të përfshirë në veprën e rëndë.