Pas shumë orësh, presidenti amerikan Joe Biden doli përpara medieve për të folur për sulmin në Kabul që shkaktoi vdekjen e 13 trupave amerikane dhe 90 personave të tjerë. Sipas Daily Mail, presidenti u shfaq në siklet gjatë gjithë kohës kur u përball me gazetarët. Presidenti 78-vjeçar shpesh mbeti pa fjalë përpara gazetarëve, ndërsa ishte i frustruar gjatë konferencës.
Konferenca erdhi tetë orë pas sulmit dhe presidenti nuk tha asgjë përpara kësaj. Sipas Daily Mail, presidenti për një moment mori pozicionin fetal, duke kërkuar që të ‘fshihet’ nga sytë e medieve. Ai tentoi që të fajësojë paraardhësin e tij, Donald Trump për vendimin e tërheqjes nga Afganistani. Edhe pse kishte mbledhur një listë me gazetarë të miratuar paraprakisht, ai ishte në siklet, raporton Daily Mail.
Javën e shkuar, një kardiolog i njohur, Aseem Malhotra, shprehu shqetësim për mirëqenien fizike dhe mendore të presidentit. Ndërkohë, sipas Fox Neës, janë shtuar zërat që kërkojnë dorëheqjen e presidentit. Mes tyre ka edhe demokratë. Ka raportime se mund të nisë një hetim për vdekjen e amerikanëve. Ajo që ka shkaktuar më shumë zemërim mbrëmë ishte deklarata e presidentit se talebanëve iu është dhënë një listë me emrat e amerikanëve dhe aleatëve të tyre. Sipas ekspertëve, kjo është një tradhti.
