Presidenti amerikan Donald Trump ka firmosur paketën e ndihmave prej 900 miliardë dollarësh, për të gjithë personat apo bizneset që janë prekur nga pandemia e Covid 19. Kjo paketë u miratua në Kongres, por Trump hezitonte ta nënshkruante pasi deklaroi se donte t’i jepte amerikanëve një ndihmë më të madhe. Nga kjo paketë pritet që të përfitojnë 12 milionë njerëz, që do të mbarrin një paketë mbështetëse për 11 javë.
Trump e nënshkroi paketën para mesnate, para pak skadimit të përfitimeve për një numër të papunësh, ndërkohë që efektet e saj do të shtrihen për të paktën 11 javët e ardhshme. Paketa është stimuli i dytë më i madh ekonomik në historinë e SHBA-së, pas asaj prej 2.3 trilionë dollarësh të miratuar në mars.
Marrëveshja vjen ndërsa pandemia po shkallëzohet, duke infektuar më shumë se 214,000 njerëz çdo ditë në SHBA. Më shumë se 316,000 amerikanë kanë vdêkur nga koronavirusi. Paketa parashikon 600 dollarë pagesa direkte për individët, ndërsa do të rrisë pagesat e papunësisë me 300 dollarë në javë dhe do të siguronte ndihmë për bizneset e vogla.
