Ministrja e Drejtësisë Etilda Gjonaj deklaroi se përveç ndryshimeve ligjore në Kodin e Familjes dhe Ligjit të Birësimeve, vëmendje e veçantë është treguar sidomos në përmirësimin e procedurës së birësimeve, gjithmonë duke mbajtur parasysh interesin më të lartë të fëmijëve.
Gjonaj shtoi se kemi realizuar në masën 100 % kërkesat për birësimin e fëmijëve në raport me çiftet aplikante birësuese. “Kemi shkurtim të kohëzgjatjes së procedurave nga momenti kur dosja e fëmijëve vjen në Komitetin Shtetëror të Birësimeve deri në birësimin e tyre”, u shpreh ministrja e Drejtësisë.
Kështu, kohëzgjatja mesatare në vit për 2017-ën ka qenë 5,73 muaj; për 2018-ën ka qenë 4,78 muaj. Kohëzgjatja mesatare në vit për 2019-ën ka qenë 2,08 muaj, ndërsa kohëzgjatja mesatare në vit për 2020-ën është 1,3 muaj
