Një biznesmen, të cilit iu refuzua kredia me arsyen se ishte “i ri dhe pa eksperiencë”, ia ka arritur që 17-vjet më pas të blejë godinën ku ndodhej banka. Adam Deering kërkoi 10 mijë euro kredi në vitin 2002, por nuk iu pranua. Megjithatë ai ia doli që gjatë këtyre viteve të krijojë një biznes të sukseshëm menaxhimi, të cilin e shiti për 6.4 milion dollarë në vitin 2014.
Tani që ai është pronar i kompanive të shumta multi-milionëshe, ka vendosur të “hakmerret” duke paguar 580 mijë dollarë për të blerë godinën e të njëjtës bankë që i refuzoi kredinë. “Gjithmonë e kam ditur që po të punosh fort mund të arrish ëndrrën që ke. E lashë punën si shitës në moshën 21-vjeçare, pasi isha i sigurtë që do të bëja një biznes të suksesshëm, Por në atë kohë nuk kisha asnjë qindarkë në xhep dhe kështu që më duhej një kredi”, tregon ai. “I prezantova menaxherit të bankës planin tim të detajuar për një biznes, dhe kërkova 10 mijë paund. Ai tha se isha shumë i ri dhe pa eksperiencë ndaj nuk do të rriskonte me mua”.
“Të ndërtosh një biznes nga zero nuk është e lehtë, dhe shpesh gjërat nuk do të funksionojnë. Por të qëndrosh me këmbë në tokë, të besosh te vizioni që ke dhe të ecësh përpara, do ia arrish, sado e vështirë”.
Ai shtoi: “Për mua, blerja e ndërtesës së bankës i kthen gjërat në rrethin e plotë dhe kjo tregon se kisha të drejtë të vazhdoja të besoja te vetja”.KORCA
