Emisioni investigativ “BOOM” në RTV Ora solli këtë të enjte denoncimin e znj. Aida Laboti nga fshati Ballagat i Lushnjës.
Bashkëshorti i saj ndërtoi një shtëpi të re dhe avokatja Alma Bala i kërkoi 1 milion e 100 mijë lekë të vjetra duke i premtuar se do ta ndihmonte me certifikatën e pronësisë.
Znj. Laboti i ka dhënë lekët por avokatja nuk ka kryer ende punë me certifikatën.
Sipas asaj që pretendon znj. Aida, avokatja jo vetëm që nuk i ka ndihmuar, por tashmë refuzon dhe t’i kthejë lekët.
Avokatia ka lëshuar një letër ku thuhet se ajo do tja kthejë paratë në datën 15 janar 2020.
Aida Laboti shkoi tek zyra e avokates për të kërkuar paratë e saj por sërish ajo përballet me justifikime.
Avokatja: Unë me dorën time do të shkruaj këtë dhe në qoftë se ty nesër… do ta çosh vetë në prokurori.
Qytetarja: Unë a të jam treguar korrekte moj Alma se më vjen keq.
Avokatja: Kam ikur që dje për ato lekët e tua.
Qytetarja: Të lutem, më the të hënën? Iku. Më the të martën, prapë iku. Më mirë më vrit se sa të më mashtrosh.
Avokatja: Nuk të mashtroj asnjë sekond. Deklaroj me përgjegjësinë time ligjore.
Qytetarja: Jam mbushur unë, më besim nuk kam. Me mirëbesim burri erdhi, ti po më ndan edhe nga familja.
Avokatja: Jo moj jo se nuk të ndaj unë.
Qytetarja kontaktoi sërish avokaten për ta takuar. Kjo e fundit fillimisht i kërkoi që të priste tek zyra, e më pas i tha të shkonte në qendër.
Kur mbërriti në qendër i kërkoi t’i shkonte në shtëpi, pastaj prapë të dilte në qendër.
Me pak fjalë një tallje haptazi me qytetaren.
Avokatja u telefonua dhe nga gazetarja e “BOOM” por refuzoi të përgjigjej.
Një ditë vërtetë e lodhshme, por fatmirësisht zonja që denoncoi problemin e saj pranë “BOOM” njoftoi dy orw mw pas se avokatja i kishte kthyer paratë.
