“Dy rreziqet më të mëdha të kësaj historie janë turizmi që nuk mund ta mbajmë mbyllur dhe transporti publik”, – deklaroi sot në mbrëmje Kryeministri Edi Rama. I ftuar në një studio televizive, Rama tha se “po punojmë intensivisht për një strategji të re të transportit publik brenda majit do t’i paraqitet publikut”. Duke folur për lehtësimin e masave nga 18 maji, Rama tha se “nuk ka më karantinim në hotel për ata që vijnë nga jashtë”.
“Kemi dy vendime të rënda shumë që duhet të marrim. Dy rreziqet më të mëdha të kësaj historie janë: turizmi, që nuk mund ta mbajmë mbyllur dhe e dyta, transporti publik. Po punojmë intensivisht për një strategji të re të transportit publik brenda majit do t’i paraqitet publikut. Në Jordani, vetëm hyrja e disa automjeteve të mëdha solli mbylljen përsëri të një pjesë të madhe të zonave të hapura, sepse erdhi nga Arabia Saudite një grup njerëzish dhe e futi menjëherë infeksionin. Është një luftë nervash e paparë”, – tha Rama.
