Brigitte Macron do të ndërmarrë veprime ligjore mbi një teori konspirative të përhapur në internet se ajo është një grua transgjinore dhe ka lindur mashkull. Zonja e parë franceze është vënë në shënjestër në mediat sociale. Fillimisht kjo teori u publikua në një faqe interneti të ekstremit të djathtë në shtator, e më pas qarkulloi nga konspiracionistët.
Thashethemet thonë se ajo ka lindur mashkull me emrin Jean-Michel Trogneux.Emri është bërë trend në rrjetet sociale me dhjetëra mijëra përmendje.
Një avokate e zonjës Macron, e cila është nënë e tre fëmijëve nga martesa e saj e parë, konfirmoi se ajo po merr masa.
Gënjeshtrat për 68-vjeçaren janë përhapur nga llogari që kundërshtojnë bashkëshortin e saj, Presidentin Emmanuel Macron, duke përfshirë ato të së djathtës ekstreme, grupet kundër vaksinave dhe nga lëvizja konspirative QAnon./L.F-dritare.net
