Historia tron ditëse e një nëne të re në Britani që humbi jetën papritmas nga koronavirusi ka pikëlluar shumë njerëz, pasi la pas katër vajza të mitura. Infermierja 29-vjeçare u infektua me koronavirus, ndërsa ajo ishte shtatzënë dhe vdiq një javë pasi lindi me operacion fëmijën e saj të katërt.
Kolegët e saj në Spitalin North Tyneside në veri të Anglisë mbajtën një minutë heshtje në kujtim të Becky Reagan, e cila punonte si infermiere në përballje të vazhdueshme me pacientë të infektuar me koronavirus.
Gruaja e re ka punuar në vijën e parë të betejës me COVID që nga janari i kaluar, ndërsa nëna e saj tregon se ajo e donte shumë punën që bënte. “Ne kemi humbur një grua të mrekullueshme, një vajzë të bukur dhe nënë të katër vajzave”, tha nëna e saj, ndërsa shtoi: “Becky e donte punën e saj”.
