Gjykata Administrative e Apelit në Tiranë, ka dhënë vendimin lidhur me padinë e bashkëshortit të deputetes socialiste Ermonela Felaj, prokurorin Bledar Valikaj, të ngritur ndaj ish-Presidentit të Shqipërisë Bujar Nishani lidhur me rrëzimin e kandidaturës së paditësit prej këtij të fundit në pozicionin prokuror.
Burime bëjnë me dije se Gjykata Administrative e Apelit ka vendosur: “Lënien në fuqi të vendimit nr. 2547, datë 23.05.2016 të Gjykatës Administrative të Shkalles së Parë Tiranë, me saktësimin e pikës 3 të pjesës urdhëruese të vendimit, në këtë mënyrë:Detyrimin e Këshillit të Lartë të Prokurorisë të bëje emërimin si prokuror të paditësit Bledar Valikaj.Kundër këtij vendimi lejohet rekurs në Kolegjin Administrativ të Gjykatës së Lartë brenda 30 ditëve nga e nesërmja e komunikimit të këtij vendimi të arsyetuar”.
Valikaj paditi Bujar Nishanin, në 2016-ën, aso kohe President i Shqipërisë, sepse sipas tij kishte rrëzuar në heshtje propozimin e Prokurorit të Përgjithshëm për emërimin e tij si prokuror i Prokurorisë së Rrethit Gjyqësor Kukës.
Vendimi është dhënë dje.
Vendimi i Gjakatës Administrative të Apelit:
Detajet e çështjes
Nr. i çështjes: 31025-03640-86-2016
Dt. e regjistrimit: 08-07-2016
Palët
Paditës: Bledar Valikaj
I paditur: Presidenti i Republikes
Palë të treta: Prokurori i Pergjithshem i Republikes se Shqiperise, Avokatura e Shtetit
Objekti i padisë: Konstatimin e paligjshmerise se veprimit administrativ te President Republikes, per rrezimin ne heshtje te kandidatures se paditesit, i propozuar nga Prokurori i Pergjithshem per tu emeruar prokuror ne Prokurorine e Rrethit Gjyqesor Kukes. Detyrimin e Presidentit te Republikes per te marre ne shqyrtim propozimin e Prokurorit te Pergjithshem nr. 2917/57 date 30.10.2015, per emerimin prokuror te kandidatures se Bledar Valikaj. Detyrimin per t’u shprehur ne lidhje me propozimin e Prokurorit Pergjithshem per emerimin prokuror te kandidatures se Bledar Valikaj.
Relatori: Altina Nasufi
Anetar1: Kastriot Selita
Anetar2: Lindita Sinanaj
Data e seances: 06-02-2019
Gjykimi: Seance Gjyqesore
Dispozitivi: Lënien në fuqi të vendimit nr. 2547, datë 23.05.2016 të Gjykatës Administrative të Shkalles së Parë Tiranë, me saktësimin e pikës 3 të pjesës urdhëruese të vendimit, në këtë mënyrë:Detyrimin e Këshillit të Lartë të Prokurorisë të bëje emërimin si prokuror të paditësit Bledar Valikaj.Kundër këtij vendimi lejohet rekurs në Kolegjin Administrativ të Gjykatës së Lartë brenda 30 ditëve nga e nesërmja e komunikimit të këtij vendimi të arsyetuar.
