Një 23-vjeçare është përdhunuar seksualisht në Vikthkuq të Korçës, si autor i dyshuar është arrestuar kryeplaku i fshatit, Ervis Rrapo.
Lidhur me ngjarjen, nëna e vajzës Valbona Grozdani ka rrëfyer se në momentin kur ka ndodhur ngjarja familjarët nuk kanë qenë në shtëpi, e kishin lënë vajzën vetëm pasi punonin tokën ndërsa ka qenë burri i saj dhe djali të cilët e kanë gjetur pa rroba në korridorin e banesës 23-vjeçaren.
Lidhur me aktin, nëna e 23-vjeçare rrëfen se autori i dyshuar ka kryer marrëdhënie me dhunë dhe se njiheshin familjarisht, ashtu si bashkëfshatarë.
Sakaq ka rrëfyer se bashkëshorti i saj e ka gjetur 29-vjeçarin, në banesë por ky i fundit ia ka mbathur gjatë tentativës për të biseduar si dhe ka qenë në gjendje të dehur.
Nëna e vajzës ka rrëfyer se gjendja e vajzë nuk është aq mirë pasi është tronditur, si dhe informacionet se e reja ka probleme mendore nuk janë të vërteta.
“Ishim në arrë, cupën e lëmë në shtëpi, erdhi burri e gjeti me djalin të zhveshur në korridor. Kishte pirë ai. Vajza nuk ka probleme mendore, është normale, me 2 klasë shkollë. Edhe vajza më tha që djali e zuri, vajza nuk donte. Nuk takoheshin më parë, hyrje dalje kishim si gjithë fshatarët. E gjeti burri dhe iku me vrap, e ndoqi burri që të flisnin të sqaroheshin, ai na shau. S’kemi patur konflikte. Vajza s’është aq mirë se u trondit”, ka rrëfyer nëna.
