Një burrë nga Florida ka vdekur pasi përplasi makinën e tij me një krokodil i gjatë 3.3 metra. Përplasja ndodhi pas mesnatës të së enjtes, sipas një deklarate nga Zyra e Sherifit të Qarkut Hillsborough. John Hopkins, 59 vjeç, ishte duke udhëtuar me makinë drejt lindjes në County Road 672 në LIthia, rreth dy milje në perëndim të County Road 39, kur ai goditi një krokodil gjigant në rrugë.
Makina e Hopkins “doli nga rruga” dhe ra në një kanal, ku një shofer kalimtar e vuri re dhe thirri policinë. Hopkins dhe krokodili vdiqën të dy kur policët mbërritën në vendngjarje
Florida dhe Luiziana kanë popullsinë më të madhe të krokodilëve në vend me rreth 1.3 milionë krokodilë të egër vetëm në Florida, sipas Komisionit të Konservimit të Peshqve dhe Kafshëve të Egra në Florida.
Megjithatë, një përfaqësues i Zyrës së Sherifit të Qarkut Hillsborough tha për CNN-in se përplasjet e makinave që përfshijnë krokodilë “nuk janë të zakonshme”.
