Pamjet që shihni tregojnë aksidentin e frikshëm dje afër Kryeministrisë, ku një çift të rinjsh mbetën të plagosur. Siç shihet në video, dy të rinjtë ishin në trotuar dhe po ecin, kur një makinë i përplasi. Djali shihet teksa goditet nga mjeti, por fatmirësisht ringrihet në këmbë pa dëmtime. Sakaq goca nuk është kapur nga pamjet e publikuara nga euronews, por ajo ndodhej në vendin ku rrezja e goditjes ishte më e madhe duke i shkaktuar lëndime të shumta.
E reja ndodhet në spitalin e Traumës ku po merr kujdesin e nevojshëm mjekësor jashtë rrezikut për jetën. Policia arrestoi në flagrancë shtetasin Jorgaq Thengjilli, për shkeljen e rregullave të qarkullimit rrugor sipas nenit 290 të Kodit Penal.
Thëngjilli është personi që shihet në video teksa shtrihet në trotuar duke vendosur duart mbi kokë, pas aksidentit.
