Çmimet “Petro Marko” “Gazetarët e brezit të parë pas vitit 1990”

Çmimet “Petro Marko”
Unioni i Gazetarëve Shqiptarë, Dega Vlorë ka organizuar ,dhënien e çmimeve “Petro Marko”. Në edicionin e tij të parë ,vlerësimet kanë qënë për “Gazetarët e brezit të parë pas vitit 1990” të cilët karrierën e tyre e kanë përkushtuar në profesionin e gazetarisë në qytetin e Vlorës.Në dhënien e çmimeve vjetore “Petro Marko” kanë qënë të pranishëm gazetarë nga e gjithë Shqipëria .Shpërndarja e çmimeve është bërë nga personalitete të qytetit të Vlorës ,ndërsa të vlerësuarit kanë rrëfyer ngjarje të pa treguara nga jeta dhe karriera e tyre.Kryetari i Unionit Shqiptar Aleksandër Çipa ka vlerësuar organizatorin e këtij aktiviteti ,kryetarin e Unionit të Gazetarëve të Vlorës Enrik Mehmeti për realizimin në mënyrë perfekte të aktivitetit i cili solli në vëmëndje kontributin e çmuar të brezit të parë të gazetarëve .Një veçanti e aktivitetit ka qën dhe ajo e dhënies së Vlerësimeve për 6 personazhe të cilët kanë kontribuar në dhënien e ndihmës për banorët e prekur nga tërmeti i datës 26 nëntor .Emri i çmimit është përzgjedhur në nderim të shkrimtarit dhe gazetarit të mirënjohur “Petro Marko” i cili solli një frymë të re në gazetarinë e qytetit të Vlorës si dhe në Shqipëri. Çmimet “Petro Marko” janë konceptuar që çdo vit të kenë tematika të ndryshme dhe do të jepen për fushën e gazetarisë si dhe fusha të tjera ku personazhe nga jeta e përditshme do të vlerësohen për kontributin e tyre në shoqëri.Unioni i Gazetarëve Shqiptarë Shqiptarë ,dega Vlorë falenderon mbështetësit e këtij aktiviteti , Bashkinë Vlorë dhe Hotel Regina City !