Një 25-vjeçar shqiptar i arrestuar në Itali pasi tentoi të hynte dhe të vidhte një palestër.“Nuk doja të vidhja asgjë, u vonova me miqtë e mi dhe nga frika mos zemëroja mamin, nuk shkova fare në shtëpi”, është shprehur ai. “I vetmi vend ku mund të flija ishte palestra Travo, por fatkeqësisht mbërritën karabinierët” – vijon më tej i riu. Ngjarja ka ndodhur në orët e para të mëngjesit të së shtunës në zonën e Rivergaros. Ka qenë alarmi i palestrës që vuri në lëvizje autoritetet.
Në momentin kur mbërritën oficerët e policisë, gjetën të riun i cili po tentonte të largohej nga një prej dritareve të palestrës. Por i riu nuk mundi t’i shpëtojë policisë të cilët e prangosën. Gjatë kontrollit, të riut shqiptar iu gjet një prej veglave të palestrës.
