Kryetarja e Lëvizjes Socialiste për Integrim, Monika Kryemadhi ka deklaruar se në protestën e 16 marsit të thirrur nga opozita, do të dali i gjithë populli për të treguar se është i lirë.
Sipas Kryemadhit, protesta zhvillohet për premtimet e pambajtura të qeverisë, për taksa më të ulta, për të ndaluar largimin e të rinjve nga vendi dhe për më shumë vende punë.
Deklarata e plotë:
Në protestën e ditës së shtunë do të dali i gjithë populli për të treguar që është i lirë.
Për premtimet e pambajtura, për më shumë vende pune, për taksa më të ulta, për një sistem më të mirë arsimor dhe shëndetësor! Për të ndaluar largimin e të rinjve nga vendi dhe për ta bërë Shqipërinë shtëpinë tonë!
