Drejtori i burgut të Lushnjes, Judmir Shurdhi dhe kartelisti i këtij institucioni të vuajtjes së dënimit, Llazar Mino, janë lënë të lirë me vendim gjykate.
Pak ditë më parë ishte vetë ministrja e Drejtësisë Etilda Gjoni që në një konferencë për mediat bëri të ditur se për lirimin para kohe të Lulzim Cakajt, i njohur edhe si ‘tmerri i Beratit;, janë dy të arrestuar.Siç duket edhe deklarata ka qenë më shumë propagandë për tu hedhur sy njerëzve se sa një hetim i vërtetë.Gjatë ditës së sotme Gjykata e Elbasanit ka vendosur që hetimet ndaj Shurdhit dhe ish-vartësit të tij të vazhdojnë në gjendje të lirë. Shurdhi dhe Mino akuzohen për ‘Shpërdorimin Detyre’ dhe ‘Falsifikim të dokumenteve’. Ndërkohë që Lulzim Caka është shpallur në kërkim për të shlyer pjesën e mbetur të dënimit.Syri.net
