Bayern Munchen merr një lajm aspak të mirë nga infermieria. Ditën e djeshme u dëmtua rëndë në ligamentin e gjurit mbrojtësi Alphonso Davies. Trajneri Flick e konfirmoi nga një konferencë për shtyp dëmtimin e lojtarit. “Ai ka një dëmtim në ligamentin e tij. dhe do të mungojë nga 6-8 javë”, tha numri një i stolit bavarez.
19-vjeçari ishte lojtar shumë i rëndësishëm në skuadrën e kampionëve të Gjermanisë. Sezonin e fundit ai u bë menjëherë pjesë e rëndësishme e skuadrës së parë, duke fituar brenda një periudhe të shkurtër vendin si titullar nën drejtimin e Flick.
