Një çift është dënuar me burg në Gjykatën e Kurorës së Brendshme të Londrës të mërkurën më 10 maj, për falsifikimin dhe shpërndarjen e kartave të identifikimit të rreme gjatë një periudhe katërvjeçare.
Qerim Deda, 30 vjeç, nga Shqipëria, u dënua me 4 vjet e njëmbëdhjetë muaj për veprat penale të falsifikimit dhe shpërndarjes së dokumenteve false dhe mbajtje me dashje të dokumenteve false.
Alvina Timcisina, 36 vjeçe, nga Rumania u dënua me 2 vjet e 5 muaj për veprat penale të falsifikimit dhe shpërndarjes së dokumenteve false dhe posedimit të dokumenteve false. Çifti jetoi së bashku në Rrugën Olimpike në Ëembley. Të dy u deklaruan fajtorë për krimet e tyre.
“Ne identifikuam se dyshja kishin marrë rreth 20,000 karta identiteti plastike bosh, softuer redaktues dhe printera me cilësi të lartë, duke demonstruar kështu nivelin e angazhimit të tyre, pasi kishin shpenzuar mbi 20 mijë stërlina për furnizime. Fitimet e paligjshme u kishin mundësuar një mënyrë jetese shumë luksoze me restorante të shtrenjta dhe një apartament me qira dy mijë paund në muaj.
Baza e klientëve të Deda dhe Timcisina ishin kryesisht shqiptarë që ndodheshin ilegalisht në MB. Llogaria bankare e Timcisina u bllokua dhe asaj iu konfiskuan 47,394 £.
Në gjyq u tha se dyshja shkaktoi dëm të madh, pasi angazhimi i tyre ishte kryer gjatë një periudhe të gjatë dhe ishte i natyrës së sofistikuar. Të dy autorët ishin të angazhuar plotësisht në kriminalitetin e tyre, duke nxjerrë një numër të madh dokumentesh dhe përfitime të konsiderueshme financiare.