Milani nuk ka arritur të fitojë as në ndeshjen e javës së 12-të në shtëpi përballë Napolit, në një ndeshje e cila është mbyllur në barazim 1-1. Kuqezinjtë vinin pas një humbjeje në javën e fundit kundër Juventusit dhe kjo humbje e radhës, i shton më shumë krizën duke e renditur tashmë në vendin e 13, me 5 pikë më shumë se rënia nga kategoria dhe njëkohësisht, me një ndeshje më shumë.
Nga ana tjetër, Napoli që ka probleme të mëdha me stafin dhe presidentin, vazhdon të konfirmojë veten si skuadra që do të luftojë vetëm për një vend në Kupat e Europës dhe jo për titull. Ky barazim, e mban Napolin në vendin e shtatë me 15 pikë më pak se Juventusi i vendit të parë. rezultati u zhbllokua fillimisht nga Lozano ndërkohë që pak minuta më vonë, ishte Bonaventura ai që barazoi me një supergol.
Nga minuta e parë në këtë takim, ka luajtur edhe mbrojtësi Elseid Hysaj i cili u aktivizua si mbrojtës i majtë. Në pjesën e dytë, skuadrat kërkuan golin e fitores por dy portierët ishin protagonistë me pritjet e tyre.
