Detaje të reja janë zbardhur nga një aksidenti në Vlorë, ku një kamion ra nga rruga në bregdet. Konkretisht, kamioni u rrëzua në vendin e njohur si Kalaja, në zonën e Ujit të Ftohtë në Vlorë.
Ndë dëshmitar ka treguar se ka dëgjuar një zhurmë, kur ra mjeti dhe se shoferi është ndihmuar nga qytetarët për të dalë nga kamioni. Ai tregon se makina ishte kthyer përmbys dhe shoferin më pas e ka marrë ambulanca.
“Ne ishim poshtë në lokal duke pirë kafe. Dëgjuam zhurmën dhe dolëm jashtë. Morën çunat kazmën e lopatat për të ndihmuar. Makina kishte rëndë përmbys. Shoferin e mori ambulanca e dërgoi në spital”, thotë dëshmitari.
