Në ditëlindjen e Arilena Arës, Flori Mumajesi, diti mirë si të tërheqë vëmendjen e mediave rozë. Fillimisht me lajmin për bashkëpunimin me ‘rivalin’ e tij, Alban Skënderaj. Më pas me ‘Fluturën’. Gjithçka nisi nga një postim në rrjetet sociale të moderatorit Labinot Gashi, ku një vajzë përqafohej me Flori Mumajesin.

Postimet e fundit në rrjetet sociale të të ftuarve në ditëlindjen e Arilenës, zbulojnë se kush është vajza në fjalë. Është fotoja e fundit, e Arnita Beqirajt, në instagramin e saj, që vërteton se ishte ajo vajza në krah të Florit. Detajet e fustanit, flokët dhe fjongo, zbuluan ‘sekretin’. Beqiraj, nuk është një emër i panjohur. Në vitin 2010, ajo fitoi kurorën Miss Shqipëria.

Sot ajo punon në Klan, së bashku me regjisoren Vera Grabocka, dhe moderatoren Alketa Vejsiu, për një sërë programesh.

Flori Mumajesi, shpesh është përfolur për lidhje romantike, por që në të shumtën e rasteve, kanë mbetur vetëm zëra. Të jetë ky sërish rasti?

Këtë nuk e dimë ende, ama Flori di mirë se si të tërheqë vëmendjen e mediave, sa herë që shkëputet për një kohë të gjatë./L.F-dritare.net