Tradhtia, vijon ende të jetë një nga problemet e familjeve të ditëve të sotme. Mënyra e të jetuarit sot, ka bërë që çiftet bashkëshortore të kenë frikë nga njëri-tjetri dhe të ruajnë partnerët e tyre me frikën se mos tradhtojnë. Sipas studimeve, gjinia mashkullore është më e prirur që të tradhtojë në një marrëdhënie. Arsyet janë të shumta, ndërsa sa i përket shqiptarëve dhe tradhtisë, ka folur detektivja Shkënda Lili.
Kjo e fundit ka folur për punën e saj, por nuk ka lënë pa treguar edhe se gratë e politikanëve shkojnë dhe kërkojnë shërbimet e saj për të mësuar nëse bashkëshortët kanë marrëdhënie jashtëmartesore. Sipas detektives, kërkesa më e lartë për të hetuar vijnë nga personazhe të njohur të biznesit, VIP-at dhe gratë e politikanëve.
Personalitete, emra të njohur ka?
Shkënda Lili: Vipa, biznesmenë dhe gratë e tyre më mirë. Kategoria VIP vjen tek unë.
Politikanë? Shkënda Lili: Mos më ngacmo, mund të kem në fokus politikanë por jo se politikanët vijnë te unë. Janë gratë e politikanëve që… Por kërkesa kam edhe për adoleshent, prindërit për fëmijët që kanë ndryshuar sjellje, ose edhe partneriteti në biznese.
Por sa zgjat investigimi për një rast tradhtie?
Shkënda Lili: Kryesisht një çështje tradhtie nuk zgjat shumë, 1 javë 2, ndërsa ka çështje të tjera që shkojnë deri në disa muaj.
