Policia ka vënë në pranga një 49-vjeçar në Pogradec, i cili ishte në kërkim që prej 22 majit, pasi kishte dhunuar bashkëshorten dhe ishte larguar nga banesa, duke thyer masën e sigurisë.
Bashkëshortja e 49-vjeçarit ndodhet në spital, në kujdesin e mjekëve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprat penale “Dhuna në familje” dhe “Largimi i të burgosurit nga vendi i qëndrimit”.
Njoftimi i policisë:
Ndërkohë që ishte me masë sigurie “Arrest në shtëpi”, për veprën penale “Dhuna në familje”, goditi me sende të forta bashkëshorten e tij dhe u largua nga banesa, kapet dhe vihet në pranga 49-vjeçari.
Si rezultat i kontrolleve të vazhdueshme për lokalizimin dhe kapjen e shtetasve në kërkim, bazuar dhe në informacionet e siguruara nga inteligjenca informative, specialistët për Hetimin e Krimeve të Komisariatit të Policisë Pogradec kanë lokalizuar, kapur dhe ndaluar shtetasin: P. F., 49 vjeç, banues në fshatin Mëmëlisht.
Ky shtetas ishte shpallur në kërkim pasi dyshohet se më datë 22.05.2025, në fshatin Mëmëlisht, Pogradec, në banesë, ndërkohë që ishte me masë sigurie “Arrest në shtëpi”, për veprën penale “Dhunë në familje”, ka goditur me sende të forta bashkëshorten e tij dhe është larguar menjëherë nga banesa.
Bashkëshortja e 49-vjeçarit ndodhet në spital, në kujdesin e mjekëve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprat penale “Dhuna në familje” dhe “Largimi i të burgosurit nga vendi i qëndrimit”.
