Moti i keq dhe reshjet e dëborës kanë shkaktuar probleme në qarkullimin e mjeteve në zonat e thella të Dibrës. “BalkanWeb” mëson se aksi rrugor Kukës-Peshkopi kalohet me vështirësi për shkak të reshjeve.
Ajo që është më shqetësuese është fakti se qarkullimi normal në zonët e thella është vështirësuar pas reshjeve të dëborës. Gjithashtu në fshatrat Ostren dhe Zalldardh raportohet se ka probleme të theksuara në qarkullim të mjeteve. Nga dita e nesërme pritet që të shtohen reshjet dhe ngricat në zonat malore të vendit, por edhe në pjesën juglindore.
