Kryeministri Rama ka reaguar pas arritjes së marrëveshjes, ku i jep mundësi Kosovës të jetë e pavarur nga Serbia, për sa i përket rrjetit të energjisë.

Në një reagim në Facebook, kreu i Qeverisë, Edi Rama, e konsideron një lajm të mirë dhe të shumëpritur. Marrëveshja në fjalë hyn në fuqi në datën 14 maj. Kosova do të kontrollojë kufijtë e vetë energjetikë, duke dalë përfundimisht nga blloku rregullues SMM (Serbi, Mali i Zi dhe Maqedoni e Veriut) dhe duke iu bashkuar Bllokut Rregullues të Sistemeve Energjetike Kosovë-Shqipëri.

Operatori i Sistemit, Transmisionit dhe Tregut të energjisë elektrike të Kosovës (KOSTT), të hënën kanë nënshkruar një marrëveshje me operatorin nga Shqipëria (OST), që do t’i japë fund varësisë së Kosovës nga rrjeti serb i shpërndarjes së energjisë elektrike.