Ai ka rrëfyer se e gjitha ka qenë një shaka mes shokësh. Andrea Kurti, 32-vjeçari që u vu në pranga nga Antiterrori për shkak të një mesazhi kërcënues që kishte dërguar në numrin e kryeministrit Edi Rama është lënë i lirë nga policia.
“Po bëja shaka me shokët. Më nxitën ata që t’i shkruaja kryeministrit,”- është shprehur Kurti. Fillimisht është dyshuar se 32-vjeçari, i cili rezulton banor i Unzës së Re, ta ketë dërguar këtë mesazh për shkak të aksionit të IKMT-së që është zhvilluar në Astir ku janë shembur dhjtëra banesa.
Por, pas marrjes së dëshmisë, Andrea Kurti është lënë i lirë. Në lidhje me këto mesazhe, vetë kryeministri Edi Ram u shpreh se nuk ndihet i shqetësuar.
