Mjeku Artan Koni zgjodhi të rikthehej në Shqipëri pas 17 vite studimesh dhe pune në Turqi, ndërsa shtoi se kishte dëshirë të martohej me një vajzë shqiptare. “Doja nuse shqiptare”.I ftuar këtë të martë në “Tempora”, Koni tha se në këto 5 vite qëndrimi nuk i ka mbetur asgjë peng. Sipas tij, një nga problemet kryesore është meritokracia, për të cilën tha se në vendin tonë nuk funksionon.
“Është më mirë këtu se jashtë shtetit, të paktën për mua si mjek. Si ata që kthehen si ata që janë në Shqipëri, problemi bazë është meritokracia që nuk funksionon.Jashtë shtetit mund të keni qenë shumë vjet, mund të jeni rritur shumë nga ana profesionale, vjen këtu punë e madhe. Futet partiaku dhe pikë. Është problem, sidomos për ata që kanë studiuar jashtë shtetit, ky fryma që ke marrë është që i zoti çan. Pasi ke marrë këtë frymë vjen këtu dhe ta hedhin në koshin e plehrave. U ambientova me këtë frymë. Unë isha më i kualifikuar seç duhet, në pjesën e shtetit. Te privati është krejt ndryshe”, tha Koni.
