Gazetari dhe prezantues shqiptari i “Alien”, Christopher Tushaj ka ndarë me publikun historinë e tij të rikthimit në Shqipëri.Tre breza lindur e rritur në SHBA, Christopher shprehet se ka vendosur të ndërtojë shtëpinë e të parëve të tij në Pukë, e që e konsideron vendin më të bukur në botë. “Tiranën e kam pas kontaktin e parë. Njerëzit kishin theks të ndryshëm, gjyshja ime në Amerikë flet shumë rëndë. Po talleshin me dialektin tim, nga vjen ky maloku amerikan. Kalova pjesën e paragjykimit të tyre”, tha Christopher.
I ftuar në “Tempora”, shqiptari nuk mohon se ka ditë që është gati të largohet nga këtu, dhe shkak është negativiteti. Por ajo që e mban fort është dashuria për vendin e paraardhësve të tij. “Ka ditë që jam me pasion por ka edhe ditë që jam gati të iki. Negativiteti, dua ta heq fjalën pesimist nga fjalori. Shqipëria do të bëhet. Kam vendosur të ndërtoj shtëpinë në Pukë. Ajo është çfarë më mban këtu. Kam udhëtuar kudo në botë, por vendi i të parëve të mi ishte vendi më i bukur që kam parë në jetën time. Ka gjithçka atje. Gjëja e parë që kam thënë është se unë e kuptoj pse keni ikur, por pse keni ikur?!”, tha Tushaj.
