Mihal Kokëdhima do të qëndrojë në b u rg deri sa të mbarojnë hetimet ndaj tij. Kështu vendosi Gjykata e Apelit në Vlorë për 51-vjeçarin. Ai pak ditë më parë ishte në qendër të vëmendjes së opinionit publik për shkak të incidentit të ndodhur në lokalin e tij në Qeparo më 15 gusht.
Seanca dje u bë me dyer të mbyllura dhe jashtë vëmendjes së medias, e gjatë saj, nuk janë parë familjarë të Kokëdhimës.
Në seancën e Apelit, 51-vjeçari është mbrojtur nga avokat Gëzim Veleshnja, ndërsa studio ligjore që mbrojti Kokëdhimën në seancën e datës 18 gusht në Gjykatën e Shkallës së Parë, tashmë nuk e përfaqëson më pasi janë tërhequr nga çështja për arsye që nuk dihen.
Gjatë seancës, avokati i Kokëdhimës ka kërkuar masë sigurie më të lehtë për 51-vjeçarin Kokëdhima, me argumentin se nuk përbën rr ezik për t’u larguar nga vendi si dhe për gjendjen e tij shëndetësore, pasi një ditë pas arrestimit u dërgua me urgjencë në spital.
