Do të jetë një garë e çmendur në verë për kartonin e Erling Haaland. Borussia Dortmund po fërkon duart për një ankand të mundshëm që do të rriste në maksimumin çmimin e bomberit norvegjez edhe pse në një vit të vështirë financiar për të gjithë.
Duke parë interesimin e Barcelonës, Real Madrid, Chelsea, Man. United dhe PSG, klubi gjerman kërkon jo pak por 180 mln euro. Eshtë ky çmimi I vendosur, edhe pse I lartë por ka një shpjegim për strategjinë e drejtuesve.
Haaland vitin e ardhshëm do të ketë një klauzolë në kontratë që e lejon të largohet për vetëm 80 mln Euro dhe duke pare se shumë klube e duan që tani lojtarin e tyre, ata duan të përfitojnë sa më shumë e nga ana tjetër edhe t’I largojnë që Haaland të qëndrojë edhe një sezon tjetër.
Barcelona me Laportan president e kanë vënë prioritet blerjen e bomberit por duhet të gjejë fonde, Real Madrid dhe Perez e shikon si alternative e Mbappe ndërsa Man. United dhe Chelsea kanë fonde të mjaftueshme për të bërë goditjen e bujshme. Nuk përjashtohet as PSG, që në rast shitjeje të Neymar, Mbappe apo Icardit, mund të bëjë një lëvizje të papritur për talentin norvegjez.
