Në lidhje me foton e publikuar në rrjetet sociale ku shfaqej dhuna fizike ndaj një qeni, shërbimet e Policisë identifikuan dy të rinjtë që postuan foton. Në vijim të veprimeve të policisë, u mbyll faqja e FB-së ku ishte publikuar fotoja dhe u ndërgjegjësuan të rinjtë për veprimet e tyre. Marrë shkas nga rasti në fjalë, ditën e sotme në formë sensibilizimi, dy të rinjtë shoqëruar edhe nga inspektorët e zonave, dorëzuan qenin e dhunuar në Qendrën e Strehimit të Kafshëve, Vlorë. Falenderojmë prindërit e të rinjve për mirëkuptimin dhe përfaqësuesit e qendrës për bashkëpunimin!
