Data 2 Prill po afron dhe tifozët po fërkojnë duart por janë të shqetësuar për duelin e shumëpritur mes Sajad Gharidi të ashtuquajtur Hulku Iranian dhe Martyn Ford, edhe ky me pseudonimin “Njeriu më i frikshëm në botë”. Dueli i boksit që do të zhvillohet në O2 Arena të Londrës, do të jetë thuajse plot por tifozët pasi kanë parë pamjet e fundit të publikuar nga luftëtari iranian kanë shprehur shqetësimin se ky duel do të shkoj përtej boksit.
“Hulku iranian” shfaqi një video ku stërvitet me 4 veta me të cilët lufton në çdo mënyrë ndaj dhe dueli më 2 Prill mund t’i ngjajë një beteje shumë të madhe mes dy “bishave”. Shqetësimet vijnë edhe duke parë ndryshimet e medha mes tyre, ku luftëtarët nuk janë gjithsesi në kushte të barabarta. Ford ka një avantazh në gjatësi, ndërsa iraniani është në një klasë tjetër. Gharibi ka një peshë prej 177 kilogramë, ndërsa Ford është vetëm 145 kilogramë. Më poshtë janë edhe pamjet e stërvitjes së Sajad Gharibit e në kampin tjetër, Ford ka thënë se nuk është aspak i impresionuar…
