Një lokal në lagjen nr. 1 në Durrës është përfshirë nga flakët në orët e para të mëngjesit të sotëm.
Policia bën me dije se nga zjarri në pronësi të shtetasit me iniciale B.R. ka vetëm dëme materiale.
Tashmë grupi hetimor po vijon punën për të sqaruar rrethanat e kësaj ngjarje si dhe për përcaktuar shkakun e rënies së zjarrit.
Zjarri i rënë në lokalin në pronësi të babait të reperit të njohur Noizy Bashkim Rajku dyshohet të ketë rënë për shkak të një shkëndije elektrike.
Në reagimin në faqen zyrtare të lokalit në instagram thuhet se lokali do të qëndrojë i mbyllur deri në një njoftim të dytë.
“Për shkak të dëmtimeve të shkaktuara nga një shkëndijë elektrike GAT03 do të jetë përkohësisht i mbyllur deri në një njoftim të dytë. Ju mirëpresim së shpejti”, thuhet në njoftim.
Lokali në zonën e Currilave në Durrës është përfshirë nga flakët në orët e para të mëngjesit të sotëm dhe për pasojë ka vetëm dëme materiale.
