Një tjetër aksident rrugor është regjistruar këtë mëngjes në Durrës. Furgoni i Policisë Bashkiake ka dalë nga rruga e si pasojë është përmbysur. Dyshohet se shkak i këtij aksidenti është bërë lagështira në rrugë.
Në furgon ishin 4 persona ku fatmirësisht janë jashtë rrezikut për jetën.
Vetëm njëri prej tyre ka pësuar lëndime të lehta në gjoks. Nga aksidenti ka pasur vetëm dëme materiale.Reshjet e shiut kanë shkaktuar shumë problematikë në qarkullimin rrugor në disa qytete. Edhe më herët mëngjesin e sotëm u shënuan dy aksidente të tjera në Elbasan. Fatmirësisht në asnjërin prej tyre nuk ka pasur lëndime të rënda.
