Në njësitë administrative të Durrësit vijon puna nga grupet e specialistëve për kontrollin dhe inspektimin e banesave të dëmtuara nga tërmeti i 26 nëntorit. Bashkia e Durrësit bën të ditur se “specialistët janë pranë qytetarëve në inspektimin e çdo banese, ku pas kontrollit ata do të hedhin online konstatimet përkatëse për dëmet e evidentuara nga tërmeti”. “Ditën e sotme po punohet në njësinë administrative 3 dhe 6, ndërsa më pas në të gjitha zonat e tjera të Durrësit”, – thekson bashkia.
Sipas bashkisë puna vazhdon me intensitet, askush nuk do të jetë vetëm. Prej disa ditësh grupet e inspektimit janë në terren për verifikimin e sigurisë së ndërtesave në Durrës, pas tërmetit të 26 nëntorit. atsh
