DVP Vlorë/ Vihen në pranga 3 shtetas, procedohet në gjendje të lirë 1 shtetas dhe shpallet në kërkim 1 tjetër, për vepra të ndryshme penale. Konstatohet dhe goditet një rast i vënies së basteve sportive, nëpërmjet celularit, në ambientet e një lokali në Vlorë. Shërbimet e Komisariatit të Policisë Vlorë, si rezultat i kontrolleve të ushtruara në lokale dhe në ambiente të tjera, me qëllim parandalimin dhe goditjen e organizimit të kundërligjshëm të lojërave të fatit, kanë evidentuar 1 tjetër rast të vënies së basteve sportive, nëpërmjet celularit, veprimtari që kryhej në ambientet e një lokali në Vlorë.
Për këtë rast, u shpall në kërkim H. A., 25 vjeç, pronari i lokalit ku kryhej kjo veprimtari, si dhe u referuan materialet në Prokurori ku u procedua në gjendje të lirë shtetasi K. S., 25 vjeç, banues në Vlorë, pasi u kap duke vënë baste, nëpërmjet një celulari që iu sekuestrua në cilësinë e provës materiale.
Vijon puna për kapjen e shtetasit H. A. — Shërbimet e Forcës së Posaçme “Shqiponja” të DVP Vlorë, në bashkëpunim me Komisariatin e Policisë Himarë, në vijim të punës për lokalizimin dhe kapjen e shtetasve të kërkuar për vepra të ndryshme penale, me mbështetjen e inteligjencës informative, kapën shtetasin e shpallur në kërkim A. S., 44 vjeç, banues në Vlorë, pasi Gjykata e Rrethit Gjyqësor Kavajë i ka caktuar masën e sigurisë “Arrest në burg”, për veprën penale “Mashtrimi”, kryer në bashkëpunim. Veprimet e mëtejshme procedurale do të kryhen nga Komisariati i Policisë Kavajë.
Gjithashtu, në vijim të punës për kapjen e shtetasve të shpallur në kërkim, shërbimet e Komisariatit të Policisë Sarandë kapën dhe ndaluan shtetasin Sh. I., 54 vjeç, banues në Sarandë, pasi Gjykata e Rrethit Gjyqësor Sarandë i ka caktuar masën e sigurisë “Arrest në burg”, për veprën penale “Vjedhja”. Specialistët për Hetimin e Krimeve të Komisariatit të Policisë Vlorë arrestuan në flagrancë shtetasin A. N., 33 vjeç, pasi duke dalë nga banesa, ka thyer masën e sigurisë “Arrest në shtëpi”, të caktuar nga gjykata, për veprimtari kriminale në fushën e narkotikëve. Materialet procedurale i kaluan Prokurorisë, për veprime të mëtejshme.
