Dy aksidente janë shënuar ditën e sotme në Tiranë, ku si pasojë e përplasjes së dy motorrëve kanë përfunduar të plagosur në spital dy persona. Policia njofton se, ata janë jashtë rrezikut për jetën. Grupi hetimor është duke vijuar punën, për zbardhjen e plotë të shkaqeve të ngjarjes.
Tiranë/Informacione paraprake Më datë 10.02.2021, në bulevardin “Dëshmorët e Kombit”, janë përfshirë në përplasje mjeti me drejtues B. H., me mjetin motorr me drejtues L. A. Si pasojë e aksidentit është dëmtuar drejtuesi i motorrit shtetasit L. A., i cili ndodhet në spital, jashtë rrezikut për jetën.
Në vendin e quajtur “15-katshi” mjeti me drejtues A. H., ka aksidentuar mjetin motorr me drejtues K. Sh, i cili ndodhet në spital, jashtë rrezikut për jetën. Vijon puna nga grupi hetimor për zbardhjen e rrethanave të aksidentit.
