Andrea dhe Martin Olldashi, dy vëllezërit që u gjetën pak ditë më parë të pajetë në Maliq, kanë biseduar me 11 persona, një ditë para se të humbnin kontaktet me familjet e tyre. Gazetari Elton Qyno shkruan se të 11 personave u është marrë deklarim, si individë që kanë dijeni mbi ngjarjen.
Mes të shoqëruarve janë dy kushërinjtë e vëllezërve, shtetasit A.O dhe A.O., nëna e tyre dhe e dashura e e njërit prej vëllezërve Olldashi, me iniciale K.Hoxha, e cila nuk ka dhënë fakte në interes të këtij hetimi. Qyno shkruan më tej se trupat e dy vëllezërve Olldashi janë gjetur në rrethinat e fshatit Çaushli, në afërsi të “Kishës së Vogël”, në një kanal vaditës, gjendeshin të shtrirë dhe të mbuluar me një masë dheu,.
Trupi i pajetë i Martin Olldashit, gjendej i vendosur mbi trupin e vëllait të tij, me fytyrë nga njëri-tjetri. Ndërsa trupi i pajetë i Andrea Olldashit, ishte i shtrirë në tokë dhe mësohet se ka qenë pikërisht dora e tij e majtë, e cila është zbuluar fillimisht nga një fshatar i zonës.
Sendet e tyre personale, orë, telefon, një paketë cigareje dhe sasinë e parave prej 6250 lekë të vjetra e kishin me vete. Në xhupin e Andrea Olldashit, u gjendën një palë doreza sintetike me ngjyrë të zezë, sende të cilat janë çuar të gjitha për ekzaminim. Ndërkohë të dy trupat e pajetë janë qëll uar nga një distancë e afërt, konkretisht Martin Olldashi është qëlluar nga pas koke, pranë veshit të majtë.
Hetuesit thonë se e gjitha ngjarja ka ndodhur në 2 sekonda. Vëllai tjetër, Andrea është qëlluar një herë të vetme me në zemër. Ngjarja e rëndë u raportua me 8 dhjetor të këtij viti. Mendohet ata janë tërhequr me mirëbesim, deri në atë territor ku nuk kishte njeri dhe më pas janë qëlluar.
