Avokati Spartak Ngjela shprehet besim plotë se SPAK do të zbatojë ligjin pasi monitorohet nga ndërkombëtarët. Ndërsa tha se akuzat e opozitës ndaj Prokurorisë së Posaçme Antikorrupsion vijnë për shkak se janë të trembur sepse do shkojnë në hetim. “SPAK do zbatojë ligjin sepse ka monitorim ndërkombëar. E keni parë se çfarë kontrolli ka SPAK? Akuzat nga opozita, janë të tremburit, ata do të shkojnë në hetim.” Ngjela komenton gjithashtu të shkuarën “komuniste” të kreut të SPAK dhe foton e prokurorit me Ulsi Manjën Lidhur me të shkuarën si prokuror gjatë viteve të fundit të komunizmit, të kreut të SPAK Arben Kraja, Ngjela tha se ai ka hetuar në bazë të ligjit për shkelje kufiri. “Nëse do të ishte i përfshirë në probleme politike, atëherë do ishte problem”, u shpreh Ngjela në Ora News.
Ndërsa për foton e prokurorit të SPAK Altin Dumani në shoqërinë e deputetit të PS-së Ulsi Manja, Ngjela tha se diçka të tillë e shesh si normale, pasi Manja është kryetar i Komisionit të Ligjeve. “Ka kaluar vetingun, këto mund të jenë broçkulla, ka kaluar vetingun mbyllet historia. Varet se çfarë ka hetuar. Në një vend thoshte që ka hetuar shkelësit e kufirit, punë e madhe, shkelësit i ndalon ligji jo hetimi. Po të kishte probleme politike është tjetër gjë. Ulsi Manja është kryetar i komisionit të ligjeve, patjetër që do i takojë. Unë di një gjë që këta i drejton SHBA, politika ndërkombëtare, jo këta. A e keni parë se çfarë kontrolli ka SPAK? Leri akuzat nga opozita janë të tremburit”, deklaroi Ngjela.Ora News.
