Një indian është rrahur nga dy gratë e tij pasi u përpoq të martohej në mënyrë të paligjshme me një grua të tretë. S. Aravind, i njohur si Dinesh, u martua për herë të parë në vitin 2016. Por vendosi të martohej fshehurazi me një grua të dytë në fillim të këtij viti.
Megjithatë herën e tretë nuk i eci.
Mediat lokale raportojnë se Dinesh u dhunua fizikisht nga dy gratë e tij, të cilat më pas u kthyen në shtëpinë e prindërve të tyre. Kur mësuan për njëra-tjetrën dhe planin e burrit për tu martuar me një grua të tretë, ato vendosën të ndërmerrnin veprime.
Video tregon njërën nga gratë e Dinesh që vrapon drejt burrit dhe e rreh.
Disa momente më vonë, gruaja tjetër e tij futet në veprim dhe gjithashtu fillon të godasë Dinesh.
Por 26-vjeçari nuk u rrah vetëm nga dy gratë e tij. Disa burra aty pranë që u bënë dëshmitarë të ngjarjes filluan ta godisnin. Ata e shkelmojnë dhe godasin me grushte derisa ai shtrihet në tokë duke kërkuar mëshirën e tyre.
Më pas Dinesh u arrestua nga policia. Poligamia u shpall e jashtëligjshme në Indi në vitin 1956 për të gjithë qytetarët hindu, megjithatë myslimanët ende lejohen ligjërisht të kenë disa gra. Poligamia është një vepër që dënohet me burg në Indi.
