Lakuriqët kanë të ngjarë të jenë shkaku i koronavirusit, pasi shkencëtarët zbulojnë se virusi është 96 përqind identik me atë që gjendet tek kafshët. Virusi, i cili ka vrarë 362 njerëz deri më tani, besohej se ishte transferuar te njerëzit nga një kafshë, por identifikimi i kafshës ishte i vështirë, raporton Daily Mail.
Tani, duke përdorur mostra nga shtatë pacientë me pneumoni të rëndë, të shkaktuar nga koronavirusi, shkencëtarët kanë gjetur ngjashmëri të madhe me koronavirusin që gjendet tek lakuriqët. ADN-ja ishte gjithashtu 79.5 përqind identike me koronavirusin vdekjeprurës të SARS, i cili sugjeron që vaksinat për virusin tani ekzistues mund të ndihmojnë në këtë epidemi.
Rastet globale janë rritur mbi 17.450, shifër kjo më e lartë se sa e rasteve të prekura nga virusi SARS, i cili vrau rreth 800 njerëz gjatë viteve 2002-03. Megjithëse shkencëtarët theksojnë se burimi i ekzakt i koronavirusit në Kinë ende nuk është deklaruar zyrtarisht, ekspertët kanë konfirmuar se një treg i kafshëve me shumicë në qytetin Wuhan është fajtor.
Një kopsht zoologjik i kafshëve, përfshirë në të koala, minjtë dhe këlysh të ujqërve ishin të disponueshëm në tregun e detit Huanan në Wuhan qendror – epiqendra e shpërthimit. Ndërsa shumica e hulumtimeve kanë drejtuar gishtin e fajësisë tek lakuriqët, hulumtimet në Universitetin e Peking-ut kanë implikuar gjarpërinjtë si ‘rezervuarin’ më të mundshëm të virusit që përhapet me shpejtësi.
