Tërmetet e fundit që goditën vendin, treguan se shqiptarët në vështirësi janë gjithmonë bashkë. Këtë e treguan nëpërmjet ndihmave të shumta që ofruan për të goditurit nga lëkundjet që morën jetën e 49 personave. Por një veprim prekës e ka bërë një grua e moshuar në Tiranë, e cila jeton e vetme dhe ajo që ka ofruar është tejet emocionuese.
Teksa ka shkuar pranë një qendre në Tiranë ku mblidhen ndihma, ajo tha se, “Jam pensioniste, nuk kam të holla t’i jepja se jam vetëm. Nuk kam njeri tjetër, kam kokën time. Kam dy batanije, katër palë xhinse, dy bluza, një shall për dimër edhe një mbulesë”.
