Damian Gjiknuri, koordinatori i Partisë Socialiste për qarkun e Vlorës, ka thënë se e priste që të ishte i shtati në listën e kandidatëve për deputetë në zgjedhjet e 25 Prillit.

I ftuar në “Zonë e Lirë” në Tv Klan, Gjiknuri u shpreh se e ka ditur me kohë që do renditej i shtati pasi ka qenë një strategji që është diskutuar edhe më herët me Edi Ramën.

“E prisja se ishte një strategji që e kemi diskutuar me Ramën. I teti Rama i shtati unë që të jemi si shtytësit për 8 mandate në Vlorë, pasi minimalja që ne kërkojmë më Vlorë është 8 mandate. Linja e mbrojtjes është 8 mandate dhe synojmë që të marrin 9 mandate, por kjo do shumë punë”, u shpreh ai.

Më tej Gjiknuri u shpreh se në Vlorë nuk ka konsum të pushtetit pasi sipas tij janë bërë shumë punë./tvklan.al