Këtë mbrëmje në emisionin “Fiks Fare” është sjellë një ngjarje e rëndë nga Orikumi ku një vajzë është abuzuar seksualisht nga i ati për dy vite rresht.
Sipas asaj që u tha në program, vajza është përdhunuar sistematikisht derisa i ati është futur në burg.
Ai sot është duke u gjykuar nga Gjykata e Shkallës së Parë në Vlorë, për krimin e bërë ndaj vajzës, e cila ishte vetëm 7-vjeçe kur nisën abuzimet.
Sipas rrëfimit të së ëmës, vajza është në gjendje të rënduar psikologjike dhe nuk shkon më as në shkollë për shkak të talljeve.
Nëna tregoi ndër të tjera:
Dyshoja sepse gjithmonë e shikoja që donte të flinte në krevat me vajzën kur ishte vetëm në shtëpi, madje shpeshherë mua dhe djalin e madh na dërgonte te vëllezërit e mi. I thoja se ti diçka bën me vajzën…”
E ëma e vajzës tregoi gjithashtu se bashkëshortin e pa nga dritarja duke abuzuar me vajzën, por nuk mund të bënte asgjë për ta ndaluar pasi kishte frikë se mund ta vriste atë apo vajzën.
Babi i vajzës gjendet në burg, ndërsa bashkëshortja e tij bëri apel për ndihmë pasi familja e saj ndodhet në gjendje të mjerueshme.
