Një ngjarje e rëndë ka tronditur sërish pasditën e sotme kryeqytetin ku një 30-vjeçar ka rënë nga një lartësi e për pasojë ndodhet në gjendje të rëndë në spital.
Sipas njoftimit të Policisë bëhet fjalë për shtetasin me inicialet V.N, i cili ka qenë në tentativë për të riparuar rrjetin e internetit në një shtyllë tensioni, ka rënë në kontakt me rrymën elektrike dhe për pasojë ka rënë nga lartësia duke marrë dëmtime dhe djegje.
Policia njofton se ngjarja ka ndodhur sot rreth orës 16:00 në rrugën “Demokracia”, ndërkohë 30-vjeçarit i është dhënë ndihma e parë dhe u transportua në spital për ndihmë mjeksore të specializuar.
Grupi hetimor ndodhet në vendngjarje dhe po punon për për sqarimin e plotë të rrethanave të ngjarjes.
