Një ngjarje e rëndë mësohet të ketë ndodhur në Afganistan në redaksinë e radios “Hamsada”, ku një person i armatosur ka hyrë në zyrat e kësaj radioje duke hapur zjarr.
Sipas raportimeve të medievendërkombëtare, thuhet se nga ky sulm kanë humbur jetën dy persona, përkatësisht një prezantues dhe reporteri, që të dy rreth të 20-ave.
Ende nuk dihet se cilat kanë qenë shkaqet e kësaj gjarje të rëndë, ndërsa mësohet se autori është larguar menjëherë nga vendi i ngjarjes, ndërsa dy viktimat kanë gjetur vdekjen e menjëhershme.
Policia ka mbërritur në vendin e ngjarjes ku po heton për zbardhjen e plotë të ngjarjes.
Kjo është vrasja e dytë që ndodh në këtë shtet, pasi një muaj më parë talebanët rrëmbyen gazetarin Javid Noori, e më pas e vranë atë.
