COVID-19 i ka marrë jetën mjekut veterinar Sulejman Peza. Lajmi është konfirmuar nga ish deputeti socialist Alfred Peza i cili i ka kushtuar disa fjalë prekëse në rrjetet sociale.
“Kjo duhet te jete Dita e Veres, me e trishtuar e jetes sime. Ne Elbasan, ne kryeqytetin e kesaj feste pagane qe e kemi pritur nga femijeria me harene koniciane, kete radhe gjithcka eshte ndryshe.
Pandemia na mori edhe Dr. Sulejman Peza, qe na ka pritur cdo 14 mars me shume se me lule e ballakume, me dashurine e nje njeriu qe i gezohej ardhjes sone cdo pranvere. Qyteti duket me i varfer sot, pa Nderin e Qarkut te Elbasanit” dhe “Personalitetin e Shekullit XX” shpallur nga Instituti Amerikan i Biografive. Lamtumire Doktor. I paharruar kujtimi”, shkruan Peza.
Dr Sulejman Peza për kontributin e tij në fushën e veterinarisë është dekoruar disa herë nga Instituti Amerikan i Biografive me qendër në Universitetin e Kembrixhit dhe Uashington D.C me titujt “Personalitet i Shekullit XX”, “Personalitet publik Ndërkombëtar”. Ky institut e ka vlerësuar me medaljen e artë dhe i ka dhënë dy herë titullin honorifik Guvernator, drejtor i institutit amerikan për Evropën.
